Man kena si ngkelengi Dibata Jahwe bage pe Pustaka si Badia:

Nina Jesus, “Iteh kena me kebenaren e, janah kebenaren e si mbebasken kena.” (Johanes 8:32) Ingetlah uga perasan kena sanga tangtangna iteh kena kebenaren Pustaka! Meriah kel ukurta mpelajari kebenaren i bas doni si dem bual enda.​—2 Timotius 3:1.

Ate Dibata Jahwe gelah siteh kebenaren. Janah perban keleng ateta kalak si deban, siberitaken ateta kebenaren e. Tapi labo bias e saja guna nembah Dibata. Arus sibereken si mehulina i bas geluhta selaku kalak Kristen, perban siergai kel patoken-patoken Jahwe. Ijelasken Jesus man banta cara mbuktiken kekelengenta man Dibata. Nina Jesus, “Adi ipatuhi kena perentah-perentahku, kena tetap i bas kekelengenku. Bali bagi aku nggo matuhi perentah-perentah Bapak janah aku tetap i bas kekelengenNa.”​—Johanes 15:10.

Keleng kel ate Jesus Bapakna, janah ilakokenna kerina si ipindoNa. Adi siusih Jesus, pasti ikelengi Jahwe kita. Kita pe tuhu-tuhu ermeriah ukur, bagi nina Jesus, “Adi iteh kena kerina enda, meriah me ukur kena adi idalanken kena.”​—Johanes 13:17.

Iarapken kami buku enda banci nampati kena nggeluh menurut kebenaren Pustaka janah jadi teman Dibata. Terus itotoken kami kena gelah banci reh kelengna ate kena Dibata janah tetap i bas “kekelengen Dibata . . . si mereken kegeluhen si rasa lalap.”​—Judas 21.