Sope erlajar

1. 1. Persiapken alu mehuli. Ukuri keperlun, keadan, ras kiniteken kalak si erlajar Pustaka ras kam. Perdiateken bagin si apai si banci saja mesera akapna ngangkaisa ntah pe ndalankenca. Pereksa bahan-bahan bas bagin “Darami Terbuen” janah ukuri uga e banci erguna man bana. Alu bage, banci kari igunakenndu adi iperluken.

Sanga erlajar

1. 2. Benaken ras dungi pelajaren alu ertoto, kecuali adi kalak si erlajar la setuju.

2. 3. Ula mbuesa ngerana. Fokuslah kam man bahan si isediaken. Bere ia kesempaten guna nuriken perukuren ras perasanna.

3. 4. Sanga nandangi mulaindu bagin si mbaru, bacalah intina janah kataken piga-piga judul si nandangi ibahas.

4. 5. Kenca dung sada bagin, bahas mulihi inti pelajarenna guna nampati ia nginget kai saja si enggo ipelajarina.

5. 6. Sanga mbahas tiap pelajaren:

   1. Baca paragrapna.

   2. Baca kerina ayat si ipindo guna ibaca.

   3. Baca ayat-ayat si deban adi perlu.

   4. Tonton kerina video si ipindo guna iputar (adi lit videona).

   5. Sungkuni tiap penungkunen si lit i je.

   6. Sungkunilah pendapatna kerna gambar bas bagin “Pelajari Terbagesen.”

   7. Gunaken kotak “Cuba Lakoken Enda” guna nampati ia ncatat kemajun rohanina. Iahken ia guna ngikutken saran si lit i je ntah pe erban cita-cita si deban, ntah ngelakoken si e duana.

   8. Sungkuni lit nge video ntah artikel bas bagin “Darami Terbuen” si menarik akapna sanga ia persiapen.

   9. Usahaken ndungi sada pelajaren tiap perjumpan.

Kenca erlajar

1. 7. Teruslah ukuri kalak si erlajar Pustaka ras kam. Ertotolah gelah pasu-pasu Jahwe usahana guna maju secara rohani. Pindolah kepentaren arah Jahwe gelah tehndu cara si mehulina guna nampati ia.