NJADIKEN MURID
PELAJAREN 10
Tutus
Prinsipna: “Meriah ukur kami mpeseh berita si meriah arah Dibata nari man kena, kesah kami pe bereken kami man kena perban keleng kel ate kami kena.”—1 Tes. 2:8.
Kai si Ilakoken Jesus?
1. Tontonlah VIDEO, ntah baca Johanes 3:1, 2. Kenca si e, ukuri penungkunen-penungkunen enda:
-
Menurutndu, engkai maka jumpai Jesus Nikodemus bas berngi wari?—Nen Johanes 12:42, 43.
-
Arah kejadin e, uga Jesus mbuktiken maka tutus atena njadiken murid?
Kai Pelajarenna?
2. Perban keleng ateta kalak si deban, tutus ateta nampati kalak jadi murid Jesus.
Usihlah Jesus
3. Pilihlah waktu ras ingan si cocok man kalak si erlajar Pustaka ras kam. Banci saja pilihna erlajar bas wari ntah pe jam tertentu. Apai nge kapna padin erlajar bas inganna erdahin, bas rumahna, ntah bas ingan si enterem jelma? Asa bancina sesuaikenlah jadwalndu ras ia.
4. Raturlah kena erlajar. Adi sangana kam la banci mandu pelajaren Pustaka, ula mis batalken. Tapi ukurilah penungkunen enda:
5. Ertotolah gelah tetap positip. Adi kalak si erlajar ras kam la banci ratur erlajar ntah mesera kapna ngaloken piga-piga ajaren Pustaka, pindolah penampat Jahwe gelah banci terus sampatindu ia alu tutus. (Pil. 2:13) Banci saja kalak si erlajar ras kam mbue sipatna si mehuli, emaka ertotolah kam gelah banci kam fokus man sipat-sipatna e.
