Kai si Ilakoken Jesus?

Kai Pelajarenna?

2. Adi sederhana carata ngajar, kai si enggo siajarken reh nukahna inget kalak ras kena ku pusuhna.

 Usihlah Jesus

3. Ula mbuesa ngerana. Asangken jelaskenndu kerina si tehndu kerna sada topik, pangen bahasndu kai si lit bas publikasi si sangana ipelajari. Kenca ibanndu penungkunen man kalak si erlajar Pustaka ras kam, berelah waktu man bana guna njawapsa. Adi la tehna jawapenna, ntah pe jawapenna la sesuai ras Pustaka, ban penungkunen tambahen guna nampati ia rukur. Adi enggo angkana inti pelajarenna, banci lanjutkenndu ku pembahasen berikutna.

4. Sampati kalak si erlajar ras kam gelah tehna kai hubungen topik si mbaru ras si enggo pelajarina. Contohna, sope mbahas kerna kekeken, banci bahasndu lebe sitik kerna keadan kalak mate, bagi si enggo pelajarina.

5. Gunaken perumpaman alu pentar. Sope gunakenndu perumpaman, ukurilah penungkunen enda:

1.    ‘Sederhana nge perumpaman enda?’

2.   ‘Nukah nge akapna ngangkaisa?’

3.   ‘Reh nukahna nge kapna nginget pelajarenna, labo perumpamanna saja?’