MBENAKEN PERCAKAPEN
PELAJAREN 3
Mehuli
Prinsipna: “Kekelengen e . . . mehuli.”—1 Kor. 13:4.
Kai si Ilakoken Jesus?
1. Tontonlah VIDEO, ntah baca Johanes 9:1-7. Kenca si e, ukuri penungkunen-penungkunen enda:
-
Kai si tangtangna ilakoken Jesus: mpepalem dilaki e ntah mpeseh berita si meriah?—Nen Johanes 9:35-38.
-
Engkai maka banci saja e erban dilaki e reh nggitna megiken berita si meriah?
Kai Pelajarenna?
2. Reh nggitna kalak megiken kita adi gejapna ermediate kita man bana.
Usihlah Jesus
3. Bayangken uga perasanna.
-
Ukurilah: ‘Banci saja kai nge si sangana erban ia kuatir? Kai nge si banci saja erguna ntah pe cocok man bana?’ Alu ngukuri kerna si e, banci cidahkenndu kiniulin ras penampat situhu-tuhu iperlukenna.
-
Cidahken maka ermediate kam man bana alu megiken ia. Adi ceritakenna perasanna ntah pe masalahna, ula cakapkenndu si deban.
4. Mekacar janah sopanlah kam ngerana. Adi ermediate janah tuhu-tuhu nggit kam nampati ia, e teridah arah carandu ngerana. Pakelah kata-kata ras nada sora si cocok. Ula sempat kata-katandu erban ia tersinggung.
5. Bereken penampat. Daramilah kesempaten si cocok guna mereken penampat si iperlukenna. Kiniulinndu banci erban ia reh nggitna megiken kam.
