MBENAKEN PERCAKAPEN
PELAJAREN 5
Pentar
Prinsipna: “Lalap min mehuli ras ngena ate kalak ranan kena.”—Kol. 4:6.
Kai si Ilakoken Paulus?
1. Tontonlah VIDEO, ntah baca Perbahanen Rasul-Rasul 17:22, 23. Kenca si e, ukuri penungkunen-penungkunen enda:
-
Uga nge perasan Paulus sanga idahna kalak si nembah berhala bas Aten?—Nen Perbahanen Rasul-Rasul 17:16.
-
Labo isalahken Paulus kalak Aten, tapi pentar ia nggunaken kiniteken kalak e guna mpeseh berita si meriah. Kai si lakokenna?
Kai Pelajarenna?
2. Reh nggitna kalak megiken kita adi siukuri manjar-anjar kata-kata si ateta sipeseh, cara mpesehsa, ras waktu si tepat guna mpesehsa.
Usihlah Paulus
3. Pentarlah bas milih kata-kata. Contohna, sanga ngerana kam ras kalak si labo Kristen, banci saja perlu sesuaikenndu istilah ntah pe kata-katandu sanga turikenndu atendu kerna Pustaka ntah pe Jesus.
4. Ula mis persingeti. Adi ikataken kalak kai si la sesuai ras Pustaka, ula nggit sijawapen. (Jak. 1:19) Pediatlah turikenna pendapatna. Adi begikenndu ia, banci angkandu carana rukur.—Kua. 20:5.
5. Adi cocok, cidahken maka setuju kam janah puji ia. Banci saja sekalak jelma tek kel ia maka kinitekenna me si benar. Arah kai si itekina e, lit nge si sesuai ras Pustaka? Banci benakenndu alu ncakapken kerna si e. Kenca si e, alu manjar-anjar jelasken kai nina Pustaka.
