NDAHI MULIHI
PELAJAREN 8
Sabar
Prinsipna: “Kekelengen e sabar.”—1 Kor. 13:4.
Kai si Ilakoken Jesus?
1. Tontonlah VIDEO, ntah baca Johanes 7:3-5 ras 1 Korinti 15:3, 4, 7. Kenca si e, ukuri penungkunen-penungkunen enda:
Kai Pelajarenna?
2. Perlu kita sabar, perban piga-piga kalak banci saja perlu waktu terdekahen guna banci ngaloken kebenaren.
Usihlah Jesus
3. Gunaken cara si deban. Adi sekalak jelma la mis nggit erlajar Pustaka, ula paksandu ia. Adi cocok situasina, pakelah piga-piga video ntah pe artikel guna nampati ia meteh uga kin pelajaren Pustakata janah kai gunana man bana.
4. Ula banding-bandingken. Ingetlah maka labo seri kerina jelma. Mon-mon, anggota keluarga ntah pe kalak si idahi mulihi banci saja ragu guna erlajar Pustaka ntah pe lit ajaren Pustaka si mesera kapna ngalokenca. Cuba ukuri engkai maka bage perasanna. Lit nge ajaren agamana si mesera kapna nadingkenca? Lit nge tentangen arah keluargana ras teman-temanna? Berelah ia waktu gelah banci ukurina kai si enggo sipeseh janah tehna maka tuhu si iajarken Pustaka.
5. Ertotolah. Pindolah penampat Jahwe gelah banci positip perukurenndu janah pentarlah kam. Ertotolah mindo kepentaren gelah tehndu tuhu nge lit minatna ntah lang, janah perlu denga nge idahindu ia mulihi ntah lang.—1 Kor. 9:26.