Pegang ras pekitiklah sorandu. Gelah iteh kalak kai pelajaren pentingna janah guna ngiahken kalak, peganglah sorandu. Enda pe banci ilakokenndu sanga ibacandu ayat si isina kerna penghukumen. Tapi guna mpeseh perasan mbiar ras kuatir, ntah pe gelah ertima-tima kalak kai si atendu ipesehndu seterusna, pekitiklah sorandu.

Ubahlah nada sorandu. Adi cocok bas bahasandu, tinggilah ban nada sorandu sanga ncidahken perasan semangat. Banci ka ibanndu bage sanga ncidahken uga galangna ntah uga kitikna sada benda bage pe uga dauhna ntah uga deherna sada ingan. Rendahlah ban nada sorandu sanga ncidahken perasan kuatir ntah pe sedih.

Ubahlah kecepatenndu ngerana. Adi ipesehndu atendu perasan si semangat, meterlah kam ngerana. Adi ipesehndu atendu pelajaren-pelajaren si penting, manjar-anjarlah kam ngerana.