Pilihlah kata kuncina. Kenca ibacandu sada ayat, katakenlah piga-piga kata i bas ayat e si lit hubungenna ras kai si sangana ibahas. Banci ulihindu kata-kata ndai ntah pe ban penungkunen gelah iteh kalak kai kata kuncina.

Banlah gelah inget kalak intina. Kataken lebe kai alasenna ope bacakenndu sada ayat, kenca e jelasken kai hubungen kata kunci si lit bas ayat e ras alasenndu mbacaken ayat e.

Jelaskenlah alu sederhana. Ula kataken kai si la lit hubungenna ras kai si sangana ibahas. Ukuri lebe kai si nggo iteh kalak kerna topik e, kenca si e banci itehndu asa kai buena keterangen si iperluken gelah iteh kalak kai pelajarenna.