KOTAK KETERANGEN 16B
Kesusahen ras Rate Mesui, Mereken Tanda, Ngancurken—Ndigan janah Uga Carana?
Pengenehenen si itulis bas Esekiel pasal 9 terjadi ka bas jamanta. Adi siteh kai si nandangi terjadi, la kita mbiar ngadapi pendungi doni enda.
“Kesusahen ras rate mesui”
NDIGAN: I bas wari-wari pendungi, sope reh kiniseran si mbelin
UGA CARANA: Arah ranan ras perbahanenna, ibuktiken kalak si meteruk ukur maka ciga atena ngidah kejahaten si lit bas doni enda. Aloken kalak e berita si meriah, terus usahakenna ngusih sipat-sipat Kristus, berekenna geluhna man Jahwe ras iperidiken, janah setia ia ndukung senina-senina Kristus.
“Mereken tanda”
NDIGAN: Sanga kiniseran si mbelin terjadi
UGA CARANA: Dilaki si maba alat tulis sekertaris nggambarken Jesus Kristus sanga reh ia jadi Hakim nandangi kerina bangsa. Kelompok jelma si enterem ihakimi pagi ntah pe ibereken tanda selaku biri-biri guna iselamatken bas Harmagedon.
“Ngancurken”
NDIGAN: Bas Harmagedon
UGA CARANA: Jesus Kristus ras pasukenna si lit i surga eme 144.000 temanna merentah bage pe malekat-malekat, kernepkenna pagi doni si jahat enda. Kenca si e, kalak si nembah Jahwe alu cara si benar iselamatken pagi janah masuk kalak e ku doni si mbaru.
