KOTAK KETERANGEN 19B
Lau si Kitik Jadi Lau Maler si Deras!
Ikut-ikut Esekiel lau si kitik si maler arah ingan si badia rumah pertoton Jahwe. Alu mukjizat, bas jarak kira-kira dua kilometer saja pe, lau si kitik e enggo jadi lau maler si deras kel! I gedang-gedang tepi lau maler e, idahna batang kayu si mejile si mereken pangan ras tambar. Kai ertina kerina e?
Lau Maler si Mereken Pasu-Pasu
MBARENDA: Kenca kalak si itaban e mulih ku kutana, ikut kalak e ndukung gelah Jahwe isembah mulihi alu cara si benar bas rumah pertoton, emaka tetap kalak e ipasu-pasu
BAS JAMANTA: Bas tahun 1919, Jahwe mulihi isembah alu cara si benar. Emaka, pasu-pasu rohani maler man umat Dibata si setia lebihen asa si enggo-enggona.
MASA DEPAN: Kenca Harmagedon, maler pagi iban Jahwe pasu-pasu jasmani ras rohani
Lau Kegeluhen
MBARENDA: Ipasu-pasu Jahwe umatNa si setia. Amin pe kalak e reh teremna, tetap kalak e makmur secara rohani.
BAS JAMANTA: Reh teremna kalak si nembah Jahwe bas pardis rohani. Aloken kalak e pasu-pasu rohani si lalap reh derasna janah sembah kalak e Jahwe alu cara si benar.
MASA DEPAN: Miliaren kalak si ipekeke ersada pagi ras kalak si selamat arah Harmagedon, janah bereken Jahwe pasu-pasu si la tanggung buena man kalak e
Batang Kayu si Mereken Pangan ras Tambar
MBARENDA: Kenca umat Jahwe mulih ku kutana, bereken Jahwe pangan rohani man kalak e janah ipepalemNa kalak e secara rohani
BAS JAMANTA: Amin pe enterem kalak bas doni enda kelihen ras sakit secara rohani, tapi bereken Jahwe pangan rohani si la tanggung buena man banta gelah tetap kita sehat secara rohani
MASA DEPAN: Kristus ras 144.000 temanna merentah nampati kerina kalak gelah jadi sempurna janah sehat seh rasa lalap!
