Mbarenda, nina publikasita Jerusalem si murtad e nggambarken Gereja ntah pe nggambarken agama Kristen si palsu. Memang perbahanen Jerusalem si la setia e bagi nembah berhala ras kejahaten kalak e mirip kel ras perbahanen Gereja. Tapi bas pudi wari, publikasita termasuk buku enda, lanai khusus mbahas kerna gambaren ras padanen, pala lit kin ijelasken Pustaka. Adi bage, lit kin terus terang ikataken Pustaka maka Jerusalem e nggambarken Gereja? La lit.

Cuba ukuri: Mbarenda Jerusalem ingan nembah Dibata alu cara si benar, tapi dungna murtad pendudukna. Adi Gereja la pernah nembah Dibata alu cara si benar. Mulai kin lit Gereja bas abad peempatken, lalap ajarkenna ajaren si palsu.

Selain si e, kenca kota Jerusalem ikernepken pasuken Babilon, mulihi jadi ate Jahwe ngidah kota e, mulihi ka ibanNa kota e jadi ingan nembah Ia alu cara si benar. Tapi la pernah jadi ate Dibata ngidah Gereja. Bas kiniseran si mbelin pagi, ikernepken me Gereja janah lanai ia lit rasa lalap.

Kai kesimpulenna? Sanga sipelajari nubuat Pustaka kerna Jerusalem si murtad e, banci saja rukur kita, ‘Enda mirip kel ras gereja-gereja si gundari.’ Amin pe bage, la lit bukti si jelas bas Pustaka si ngataken maka Jerusalem si murtad e nggambarken Gereja.