KOTAK KETERANGEN 20A
Pembagin Negri si Ijanjiken
Keterangen si jelas kerna pembagin taneh warisen erban kalak si itaban e tek maka kuta kemulihen kalak e ipekena janah iban pagi mejile mulihi. Arah je nari, kai pelajarenna man banta? Mari sibahas dua keterangen enda:
Ingan ras tugas si merga
Kerina kalak si itaban si mulih, datna warisen bas negri si iban mejile mulihi. Bage ka pe gundari, kerina umat Jahwe lit inganna bas pardis rohani. Kai pe tugasta bas organisasi, amin pe kurang penting siakap, kerina kita lit inganta si aman ras tugasta si merga bas pardis rohani. Kerina umat Jahwe merga i lebe-lebe Jahwe.
Bagin si seri
Bas pengenehenen Esekiel, kerina penduduk bas negri si enggo iban mejile mulihi, datna taneh si seri janah subur kerina la soal bas daerah ja pe kalak e tading. Bage ka pe gundari, seri kesempaten si bereken Jahwe man kerina umatNa guna ndatken pasu-pasu bas pardis rohani.
