“Si ermeriah ukur eme kalak si megiken kata Dibata ras ndalankenca!”​—Lukas 11:28, Pustaka si Badia Terjemahen Doni si Mbaru.

Perbulangen engkelengi ndeharana.​—Epesus 5:28, 29.

Ndehara mehamat man perbulangenna.​—Epesus 5:33.

Perbulangen ras ndehara banci siteken.​—Markus 10:6-9.

Enda piga-piga alasenna:

• Dibata kap Si Njadiken keluarga. Nina Pustaka, ‘kerina keluarga jadi lit’ perban Dibata Jahwe. (Epesus 3:14, 15) Emaka banci sikataken Dibata Jahwe me si njadiken keluarga. Engkai maka perlu siteh kerna si e?

  Cuba ukurindu enda: Bicara panndu gulen si entabeh, janah merhat kam meteh uga cara nggulesa, ise nge sungkunndu? Pasti si nggulesa.

  Bage pe, adi ateta ndatken kunci keriahen ukur bas keluarga, perlu sisungkun Jahwe, sebap Ia kap Si Njadiken keluarga.​—Kejadin 2:18-24.

• Ate Dibata gelah kita ermeriah ukur. Keluargata banci ermeriah ukur adi ngikutken petunjuk si bereken Jahwe arah Pustaka. Nina Pustaka, ‘Perdiateken Dibata kap kita.’ (1 Petrus 5:6, 7) Banci kita tek kerna si e perban sura-sura Dibata gelah sigejapken keriahen ukur.​—Kuan-kuanen 3:5, 6; Jesaya 48:17, 18.