“Apusi Dibata me kerina iluh kalak e. Lanai pagi lit kematen ras ceda ate. Tangis ntah pe si mesui lanai pagi lit.”​—Ketangkasen 21:4, Pustaka si Badia Terjemahen Doni si Mbaru.

Siteh maka kesusahen labo rehna arah Dibata.​—Jakup 1:13.

Malem ateta sebap angkai Dibata perasanta sanga kita susah.​—Sakaria 2:8.

Mereken arapen maka kerina kesusahen lanai pagi lit.​—Masmur 37:9-11.

Enda piga-piga alasenna:

• Sitik pe la senang Dibata ngidah kesusahen ras kai si la adil. Mbarenda umat Dibata pernah ngenanami kesusahen. Uga perasan Dibata? Nina Pustaka, ceda kel ate Dibata sanga idahNa umatNa “isiksa.”​—Hakim-Hakim 2:18.

  Segat kel ate Dibata man kalak si erban kalak si deban rate mesui. Contohna, nina Pustaka, “Segat ateNa kalak si rate ngena man kekerasen.”​—Masmur 11:5.

• Perdiateken Dibata kita sekalak-sekalak. Ate Dibata Jahwe gelah sibenterken kerina kekuatirenta man baNa ‘sebap perdiatekenNa kap kita.’​—1 Petrus 5:7.

  Ntisik nari Kerajan Dibata merentah ku doni, emaka lanai pagi lit kesusahen. (Matius 6:9, 10) Tapi gundari pe, apuliNa kalak si tutus ndarami Ia.​—Perbahanen Rasul-Rasul 17:27; 2 Korinti 1:3, 4.