Ise kin Situhuna Penguasa Doni Enda?
Adi menurutndu?
-
Dibata.
-
Manusia.
-
Si debanna.
UGA NINA PUSTAKA SI BADIA
“Kerina doni enda lit bas kuasa si jahat.”—1 Johanes 5:19, Pustaka si Badia Terjemahen Doni si Mbaru.
“Cidahken Anak Dibata dirina guna engkernepken pendahin Iblis.”—1 Johanes 3:8.
GUNANA MAN BANTA
Siteh kai si erbanca maka melala masalah i doni enda.—Ketangkasen 12:12.
Banci kita tek maka doni enda reh ulina nge pagi.—1 Johanes 2:17.
ENGKAI MAKA KITA TEK KAI SI KATAKEN PUSTAKA SI BADIA?
Enda piga-piga alasenna:
-
Enggo itetapken Dibata Jahwe maka labo rasa lalap doni enda ikuasai Setan. Erjanji Dibata, ‘kernepkenNa Iblis’ janah pehuliNa kerina si enggo ceda perban Setan.—Heber 2:14.
-
Jesus Kristus si ipilih Dibata guna merentah doni enda. Jesus sitik pe la seri ras Setan, penguasa si kejam ras mentingken bana. Kerna pemerentahen Jesus, erjanji Dibata, ‘Mekuah pagi atena kalak si lemah ras si mesera. Tebusna pagi kalak e arah penindasen ras kejahaten nari.’—Masmur 72:13, 14.
-
Dibata la banci erbual. Nina Pustaka, “Dibata la mungkin erbual.” (Heber 6:18) Adi enggo erjanji Dibata Jahwe, e pasti terjadi! (Jesaya 55:10, 11) “Penguasa doni enda nandangi ipelawes.”—Johanes 12:31.
MERHAT NGE KAM METEHSA?
Uga pagi keadan doni enda kenca pemerentahen Setan ikernepken?
Penungkunen e ijawap bas MASMUR 37:10, 11 ras KETANGKASEN 21:3, 4.
Mungkin Menarik Ka Kapndu
AJAREN PENTING ARAH PUSTAKA
Engkai Pediat Dibata Mesera Kegeluhen Manusia?
Enterem kel kalak nungkun engkai maka melala kel segat ate ras masalah bas doni enda. Pustaka mereken jawapen si tepat ras erban malem ateta.
SPECIAL CAMPAIGN
Engkai maka Perlu Erlajar Pustaka si Badia?—Video Lengkapna
I bas Pustaka lit jawapen arah penungkunen si penting kerna kegeluhen man jutan kalak i belang-belang doni. Nggit nge kam metehsa?
KERNA KAMI
Dahi Kenalah Aku
Banci datndu jawapen penungkunenndu arah Pustaka si Badia, janah banci ka pelajarindu terbuen kerna Saksi-Saksi Jahwe.
