Bayangken cerita enda: Sanga main-main ras teman-temanna, Tom menterken bola janah bolana mecahken kaca motor tetangga.

Adi kam i bas situasi Tom, kai nge si ilakokendu?

LIT TELU PILIHENNDU:

1. Kiam.

2. Nalahken kalak si deban.

3. Kataken man tetanggandu kai si terjadi, ras ganti kai si enggo ceda.

Banci saja kam tergoda guna milih Pilihen A. Tapi lalap ulin adi akuindu kesalahenndu—ntah paksa ipecahkenndu kaca motor bage pe i bas situasi si debanna.

1. Enda tindaken si benar.

   Nina Pustaka si Badia, ”Sabap lalap nge kami ersura-sura ndalanken si mehuli [jujur].”—Heber 13:18.

2. Kalak si nggit ngakui kesalahenna, mbelin kemungkinenna banci imaafken.

   Nina Pustaka si Badia, ”Kalak si muniken dosana la banci sangap, kalak si ngakuken dingen nadingken dosana, ialemi Dibata kap.”—Kuan-kuanen 28:13.

3. Si pentingna kal, enda erban meriah ukur Dibata.

   Nina Pustaka si Badia, ”[Jahwe] ernembeh ate man kalak si erbahan jahat, tapi ibahanNa bujur man kalak si ndalanken si ngena ateNa.”—Kuan-kuanen 3:32.

Tika, 20 tahun, muniken surat tilang gelah ula ieteh bapana tapi dungna tereteh kang. Nina Tika, ”Setahun kenca si e, idah bapangku surat tilang e. Dungna melala kal masalah si arus kuadapi!”

Kai pelajarenna? Nina Tika, ”Adi kita erbuni-buni janah la nggit ngatakenca, masalahna pasti reh parahna. Dungna arus kang sipertanggungjabapken!”

Nina Pustaka si Badia, ”Kerina kita megati erban kesalahen.” (Jakup 3:2) Adi mis siakui kesalahenta, enda ncidahken kita meteruk ukur ras dewasa.

Langkah berikutna eme kap erlajar arah kesalahendu. Vera sekalak singuda-nguda ngataken, ”Tiap kesalahen kujadiken pelajaren gelah aku jadi kalak si lebih mehuli. Sekali nari pagi adi kuhadapi situasi si bali, banci kubahan keputusen si lebih mehuli.” Gejapkenlah adi kam banci nge ngelakokenca.

Ipinjamndu sepeda bapandu janah ceda banndu. Kai nge si ilakokenndu?

• Sinik saja janah ngarap la ieteh bapa.

• Kataken man bapandu uga situhuna.

• Kataken man bapandu kai si terjadi, tapi salahkenndu kalak si deban.

Hasil ujianndu la mejile perban kam la erlajar. Kai nge si ilakokenndu?

• Nalahken soal ujianna.

• Ngaloken akibatna.

• Nuduh guru pilih kasih.

 Gundari perdiateken contoh cerita i datas janah bayangken adi kam jadi (1) bapandu ras jadi (2) gurundu. Kai pendapat bapandu ras gurundu adi mis iakuindu kesalahenndu? Kai pendapat kalak enda adi itutup-tutupindu kesalahenndu?

Cuba inget mulihi sada kesalahenndu i bas tahun si lewat janah jabap penungkunun iteruh enda.

Kai kesalahenku? janah Uga caraku mpekenasa?

• Kututup-tutupi.

• Kusalahken kalak si deban.

• Langsung kuakui.

Adi la iakuindu, uga perasanndu kenca si e?

• Mantap—banci aku lolos!

• Salah kal aku—harusna kukataken situhuna.

Uga carandu erban keadanna reh ulina?

Kai si banci ipelajarindu arah kesalahenndu?

Engkai piga-piga kalak la nggit ngakui kesalahenna?

Kai pendapat kalak si deban adi itutup-tutupindu kesalahenndu, janah kai pendapatna adi mis iakuindu?—Lukas 16:10.