Setan nggoda jelma gelah ndalanken kai si lepak. Sekalak si merincuh jadi teman Dibata aruslah erciga ate kempak kai si ciga ate Jahwe. (Masmur 97:10) Enda me piga-piga perbahanen si isilahi teman-teman Dibata:

Erbage dosa erlua-lua. ”Ola erlua-lua.” (Keluaren 20:14) Ersada kula sope erjabu pe salah.​—1 Korinti 6:18.

Mabuk-mabuk. ”Pemabuk . . . la dat bagin i bas Kinirajan Dibata.”​—1 Korinti 6:10.

Pembunuhen, Nggugurken. ”Ola munuh.”​—Keluaren 20:13.

Nangko. ”Ola nangko.”​—Keluaren 20:15.

Erguak. Ciga ate Jahwe ”dilah perguak”.​—Kuan-kuanen 6:17.

 Kekerasen ras Merawa dingen Merampus. ”Nembeh kal ate [Jahwe] kempak kalak si erngena ate man si jahat.” (Masmur 11:5) ”Perbahanen-perbahanen si erpalasken sura-sura manusia [termasuk] . . . perampus.”​—Galatia 5:19, 20.

Erjudi. ”Ola kam erteman ras kalak si . . . rangap.”​—1 Korinti 5:11.

Permusuhen Bangsa ras Suku. ”Kelengilah imbang-imbangndu, janah ertotolah man Dibata kerna kalak si erbahanca kam ngenanami kiniseran.”​—Matius 5:43, 44.

Kerina si ipebetehken Dibata man banta guna kiniulinta. Megati ka nge la mesukah nilahi perbahanen-perbahanen si salah. Alu penampat Jahwe ras saksi-saksi-Na banci kam nilahi perbahanen-perbahanen si la ngena ate Dibata.​—Jesaya 48:17; Pilipi 4:13; Heber 10:24, 25.