I bas tanggal 23 Maret, iperkiraken lit 12 juta lebih tamu si reh ku acara Peringet-ingeten. Tuhu-tuhu sada kesaksin si mehuli man kalak e asum ia megiken pengkhotbah mbahas kerna tebusen si ibereken Jahwe ras pasu-pasu si ialoken umat manusia i bas wari si pepagi! (Jes 11:6-9; 35:5, 6; 65:21-23; Joh 3:16) Tapi, labo pengkhotbah e saja ngenca si mereken kesaksin i bas acara si istimewa enda. Kerina kita banci ikut mereken kesaksin arah pengalo-ngalonta si mehuli. (Rom 15:7) Lit piga-piga cara.

• Asangken mis kundul janah nimai acara ibenaken, alo-alolah kalak si reh ras si la aktif alu cirem ras perbahanen si mehuli

• Asum kam ermediate man kalak si itandaindu erkiteken enggo iundangndu, tetaplah perdiateken ka kalak si deban si reh erkiteken ndatken undangen sanga kampanye. Undang kalak si mbaru kundul ras kam. Janah erbagi Pustaka si Badia ras buku endenlah kena

• Kenca dung acara, banci saja lit kalak si nungkun. Emaka ersikaplah kam guna njabap piga-piga penungkunen. Adi waktu terbatas erkiteken runggunndu arus nadingken ruangen perban runggun si deban arus make ruangen e, banlah pengaturen guna ndahi kalak e kenca piga-piga wari. Adi la ietehndu nomor telepon ras alamatna, banci ikatakenndu, ”Merhat kal aku meteh uga tanggapenndu kerna acara enda. Uga nge carana aku banci nghubungi kam?”