GUNAKENNDU I BAS PELAYANEN
Reh Beluhna i bas Pelayanen—Banlah Carandu i bas Nawarken Majalah
ENGKAI MAKA PENTING: Aminna gia bagin contoh cara ngelakokenca si lit i bas agenda perpulungen mereken saran-saran si erguna, enda contoh si sederhana saja ngenca. Arus ipesehndu alu kata-katandu sendiri. Banci saja nukahen akapndu nggunaken cara si berbeda ntah pe nggunaken topik si menarik i bas daerahndu. Adi bage, kenca nggo iogendu majalah, pelajari bagin contoh cara ngelakokenca, janah tonton video contoh cara ngelakokenca. Banci igunakenndu cara-cara si lit i teruh enda guna nampati kam erban penawarenndu.
CARA NGELAKOKENCA:
Sungkun dirindu, ’Nggit nge aku nggunaken salah sada contoh cara ngelakokenca?’
NGGIT
-
Sikapken kata penaruh. Kenca ikatakenndu mejuah-juah, kataken alu gendek kai alasenndu reh. (Contoh: ”Tujun kami reh ku jenda . . . ”)
-
Pelajari uga kam banci mpeseh penungkunen, ayat, bage pe penawaren. (Contoh: Ope denga iogekenndu sada ayat, banci ikatakenndu, ”Jabapen si pasti kerna penungkunen e banci sidat i bas ayat enda.”)
LANG
-
Pilih sada topik i bas majalah nari si menarik iakapndu janah cocok i bas daerahndu
-
Ban sada penungkunen si erban si mada jabu rukur janah nggit ngerana-ngerana, tapi penungkunen e ula erban ia mela. (Contoh: Penungkunen si lit i bas halamen 2 majalahta.)
-
Pilih sada ayat si man ogen. (Banci iogendu langsung i bas Pustaka si Badia ntah pe i bas publikasi si tercetak nari, tergantung pilihen si apai si mehulina janah cocok ras keadan. Mawen-mawen, banci ikutipndu sada ayat alu gendek.)
-
Ban sada ntah dua kalimat si njelasken uga si mada jabu banci ndatken manfaat adi ngoge artikel e
KAI PE JABAPENNDU
-
Sikapken penungkunen si man jabapen sanga ndahi mulihi
-
Ban cataten guna nampati kam nginget kai si atendu man katankenndu paksa kam ndahi mulihi
