ENGKAI MAKA PENTING: Adi si erlajar Pustaka erban persikapen, enda banci nampati ia ngangkai ras nginget si ipelajarina. Reh buena si angkaina ras ingetna, reh terna ka ia erban kemajun. Amin pe nggo ibaptis, kalak e perlu denga erban persikapen guna perpulungen gelah “tetap erjaga-jaga.” (Mat 25:13) Selain si e, alu ngangkai uga cara erlajar ras erban kebiasan si mejile bas erlajar, enda banci erban reh ulina kegeluhenna. Mulai tangtangna nari arus si sampati si erlajar Pustaka erban kebiasan guna persikapen ope erlajar.

UGA CARA NGELAKOKENCA:

• Bereken usihen si mehuli. (Rom 2:21) Persikapken tiap pelajaren gelah cocok ras keperlun si erlajar. (km-IN 15/11 3) Cidahken man bana bukundu si nggo igarisi

• Iahken ia erban persikapen. Sanga lit si erlajar Pustaka, pebetehken man bana maka persikapen e pe sada bagin arah pelajaren Pustaka ras turiken kai hasilna. Turiken man bana uga cara nikapken waktu erban persikapen. Piga-piga perberita mereken bukuna si nggo igarisi man si erlajar sanga erlajar gelah itehna kai gunana erban persikapen. Puji ia sanga ibanna persikapen

• Cidahken man bana carana erban persikapen. Mulai tangtangna erlajar, lit piga-piga perberita nggunaken waktu erlajar guna ngajari si erlajar uga cara nikapken sada pelajaren