KEGELUHEN KRISTEN
Si La Banci Ilakoken Paksa Mandu Pelajaren Pustaka
Mbuesa Ngerana: Ula iakapndu maka kerina arus ijelaskenndu. Igunaken Jesus penungkunen i bas nampati kalak gelah rukur ras erban kesimpulen si tepat. (Mat 17:24-27) Alu erban penungkunen, ietehndu kai si iangkai ras iteki si erlajar. (be-IN 253 ¶2-3) Paksa mereken penungkunen, sabarlah nimai jabapenna. Adi iberekenna jabapen si salah, ula mis pebetehken jabapen si payo, padin bereken penungkunen tambahen guna nampati ia ndatken kesimpulen si benar. (be-IN 238 ¶2-3) Manjar-anjarlah kam ngerana gelah kalak si erlajar e banci iangkaina pemeteh si mbaru.—be-IN 230 ¶4.
Erban Pelajaren Lanai Sederhana: Ula bahas kerina si ietehndu kerna topik e. (Joh 16:12) Jelasken saja topik utama si lit i bas paragrap. (be-IN 226 ¶4–227 ¶1) Melalasa mereken penjelasen aminna pe menarik, banci erban lanai jelas topik utamana. (be-IN 235 ¶3) Adi nggo iangkaina topik utamana, terusken ku paragrap selanjutna.
Mpeseh Keterangen Saja Ngenca: Ateta gelah pelajaren e kena ku pusuh si erlajar, labo mpeseh keterangen saja ngenca. (Luk 24:32) Gunaken kuasa Kata Dibata alu njelasken ayat-ayat kunci saja ngenca. (2Kor 10:4; Heb 4:12; be-IN 144 ¶1-3) Gunaken anding-andingen si sederhana. (be-IN 245 ¶2-4) Ukuri kai si mesera iakapna ras kai si itekina, kenca si e sesuaiken pelajaren ras keperlunna. Bereken penungkunen: ”Uga pendapatndu kerna pelajaren e?” ”Kai si banci sipelajari kerna Jahwe arah pelajaren enda?” ”Menurutndu, kai gunana ngikutken pedah e?”—be-IN 238 ¶4-6; 259 ¶1.