Adi anak-anak si mbukaken pintu, perlu kita ngerana lebe man orangtuana. Alu bage siergai ia selaku orangtuana. (Kua 6:20) Adi isuruh anak e kita masuk, madin situlak. Banci sidahi mulihi i bas waktu si deban paksa lit orangtuana i rumah.

Adi anak e umurna kira-kira 15 seh 19, tetap kita perlu ngerana lebe man orangtuana. Adi la lit ia i rumah, banci sisungkuni ibere orangtuana nge ia bebas milih ogenna sisada ntah lang. Adi banci, sitawarken ogen man bana janah pebetehken kerna situs jw.org.

Paksa sidahi mulihi anak si lit minatna, perlu sijumpai orangtuana. Alu bage banci sijelasken tujun kerehenta janah sicidahken maka Pustaka risiken pedah si erguna man keluarga. (Msm 119:86, 138) Adi siergai orangtuana, enda jadi kesaksin si mehuli. Banci saja i bas waktu si deban, sipeseh berita si meriah man keluarga e.—1Pet 2:12.