Pemeteh si Banci Erban Kita Rembak ras Pencipta
Penciptata labo saja mbelin kuasaNa, tapi melala ka sipat-sipatNa si mehuli. AteNa sitandai min Ia ras jadi temanNa min kita. (Johanes 17:3; Jakup 4:8) E me sebapna engkai maka melala iturikenNa kerna Ia man banta.
Penciptata Lit GelarNa
“Alu bage teh kalak maka Kam, si ergelar Jahwe, Kam ngenca Si Meganjangna i belang-belang doni.”—MASMUR 83:18.
Iajarken bas Pustaka maka Jahwe ngenca Dibata si benar. Ia me Si Nciptaken alam semesta enda ras kerina si nggeluh. Ia ngenca si metunggung sisembah.—Ketangkasen 4:11.
Dibata Jahwe e Perkeleng
“Dibata e kekelengen.”—1 JOHANES 4:8.
Banci sipelajari kerna sipat-sipat Dibata Jahwe arah Pustaka ras arah ciptanNa. Kekelengen me sipatNa si utamaNa. Kerina si ilakokenNa erpalasken kekelengen. Reh buena sipelajari kerna Dibata Jahwe, reh kelengna ateta Ia.
Dibata Jahwe e Nggit Ngampuni
“Kam Dibata si nggit ngampuni.”—NEHEMIA 9:17.
Iteh Dibata Jahwe kita la sempurna, emaka nggit Ia ngampuni kita. Adi siakui kesalahenta janah siusahaken lanai ngelakokenca, pasti ampuniNa kita janah labo ihukumNa kita perban kesalahen si enggo pernah silakoken.—Masmur 103:12, 13.
Ate Dibata Jahwe Ertoto Kita man BaNa
“Ndeher kap Jahwe man kerina si erlebuh man baNa . . . BegikenNa sora kalak e mindo penampat.”—MASMUR 145:18, 19.
Orang tua si perkeleng pasti nggit megiken cerita anakna. Dibata Jahwe pe nggit megiken totota. Labo pindoNa siikutken cara-cara tertentu ntah pe sigunaken patung ntah pe benda-benda si deban sanga sisembah Ia.
Mungkin Menarik Ka Kapndu
PENUNGKUNEN SI IJAWAP PUSTAKA
Ise kin Jahwe?
Dibata man sada bangsa saja kin Ia, contohna man bangsa Israel?
