UGA CARANA GELAH LANAI STRES?
Lit Pagi Masana Lanai Kita Stres
Adi siikutken pedah bas Pustaka banci reh kurangna stresta. Memang la mungkin simasapken kerina si erban kita stres, tapi Dibata banci. IlantikNa Jesus Kristus jadi raja guna nampati kita. Sanga Jesus nggeluh i doni melala kel ilakokenna perbahanen si luar biasa. Janah lanai ndekah ilakokenna me perbahanen si ndauh hebaten asangken si mbarenda. Contohna:
KALAK SAKIT IPEPALEM.
“Itaruhken kalak man bana kerina kalak si pinakiten. . . . Janah ipepalemna kerina kalak e.”—MATIUS 4:24.
KERINA KALAK LIT RUMAHNA RAS PANGANNA.
“Ipajekken bangsangKu pagi rumah janah ia nge ngiani rumah e, labo kalak si deban. Isuanna batang anggur janah ia nge si ngenanami ulihna.”—JESAYA 65:21, 22.
KERINA JADI DAME RAS AMAN.
“Gelah kebujuren erdalan kidekah geluhna, dingen kemakmuren tetap kidekah bulan ersinalsal. Mbelang kinirajanNa seh i bas lawit ku lawit, menaken i bas Lau Eprat nari seh ku tampuk doni. . . . Kerina imbang erjimpuh i adepen nahena.”—MASMUR 72:7-9.
LANAI LIT SI LA ADIL.
‘Ikelengina kalak si la ergegeh dingen musil, iselamatkenna geluh kalak si nggeluh i bas kekurangen. Ibebaskenna i bas penindasen dingen i bas kalak merawa nari.’—MASMUR 72:13, 14.
LANAI LIT KINISERAN RAS KEMATEN.
“Lanai pagi lit kematen ras ceda ate. Tangis ntah pe si mesui lanai pagi lit.”—KETANGKASEN 21:4.
