DONI SI DEM KESUSAHEN
1 | Jagalah Kesehatenndu
ENGKAI MAKA PENTING?
Masalah banci mpengaruhi kesehatenta.
-
Masalah banci erban kita stres. Kalak si lalap stres, biasana nukah sakit.
-
Sanga terjadi bencana alam, pandemi, ntah pe masalah si debanna, banci saja dem rumah sakit janah persedian tambar pe lanai bias.
-
Sanga terjadi bencana, banci lanai bias sen kalak nukur keperlunna, bagi nukur pangan ras tambar.
Si Perlu Tehndu
-
Penakit si mekelek ntah pe stres banci mpengaruhi keputusenndu. Contohna, e banci erban lanai atendu tutus njaga kesehatenndu. Dungna, reh kelekna me penakitndu.
-
Adi enggo lit masalah kesehatenndu tapi la perdiatekenndu, banci kari reh kelekna janah banci mbahayaken geluhndu.
-
Adi tetap kam sehat, banci banndu keputusen si mehuli sanga lit masalah si mberat.
-
La soal kam mesera ntah pe bayak, tetap nge banci jagandu kesehatenndu.
Si Banci Lakokenndu
Kalak si pentar, ukurina bahaya kai kari si banci terjadi janah daramina cara gelah e ula terjadi. Guna njaga kesehaten pe bage. Adi rajin kam njaga kebersihen, la kam nukah kena penakit. Bicara sakit pe kam, la parahsa. Padin njaga kesehaten asangken nambarisa.
“Usahaken kami erban rumah kami ras daging kami tetap bersih. Emaka, la melala keri sen kami nukur tambar ras ndahi dokter.”—Andreas. a
a Piga-piga gelar bas majalah enda enggo iganti.
Mungkin Menarik Ka Kapndu
PERDIATEKENLAH!
Carana gelah Lanai Stres
Bacalah pedah-pedah si banci nampati kam gelah reh kurangna stresndu bage pe gelah lanai stres.
