Enterem kalak erjuang ncukupi keperlunna tiap wari. Kesusahen si terjadi bas doni enda erban reh serana akap kalak e. Engkai maka bage?

• Sanga terjadi masalah bas sada daerah, biaya nggeluh reh ergana termasuk pangan ras ingan tading.

• Sanga terjadi krisis ekonomi, enterem kalak si ipengadi arah dahinna ntah pe reh sitikna gajina.

• Bencana si terjadi banci ncedai ntah pe erban tumpur usaha kalak, lanai lit rumahna, ntah pe ertana. Enda erban mesera pergeluh kalak.

• Adi reh beluhna kam nggunaken senndu, reh ngasupna kam ngadapi masalah keuangen si terjadi.

• Perlu ingetndu maka uang masukndu, tabungenndu, ras kai pe si lit bas kam, banci dungna reh urakna ergana.

• Labo kerina banci itukur alu sen, contohna keriahen ukur ras kedamen bas keluarga.

Nina Pustaka: “Emaka puas min siakap adi lit panganta ras pakenta.”​—1 Timotius 6:8.

Adi puas kita, meriah siakap sanga sidat keperlunta janah banci sikendaliken dirita gelah la situkur kai pe si merhat kita. Enda khususna penting sanga mesera siakap ndarami sen.

Gelah banci puas akapndu, perlu aturndu uang keluarndu. Adi tukurndu barang si labo kam ngasup nukursa, pasti lit kari masalah keuangenndu.