Masalah si terjadi bas doni enda banci erban kalak kuatir janah erpengaruh man kesehatenna ras perukurenna. Enterem kalak si dungna putus asa, tempa-tempa enggo runtuh kapna doni enda. Kai pengaruhna man kalak e?

• Lit si lanai nggit ngukuri wari si pepagi.

• Lit si minem-minem ras pakena narkoba gelah lupa ia masalahna.

• Lit ka si lanai kapna lit ertina nggeluh, emaka bunuh diri atena.

• Piga-piga masalahndu banci saja kentisik ngenca, janah la sangkandu banci kari reh ulina keadanna.

• Amin pe masalahndu lenga dung, lit denga si banci lakokenndu gelah reh sabarna kam ngadapisa.

• Bas Pustaka lit jalan keluar si mehulina si banci mereken arapen man banta.

Nina Pusaka: “Ula pernah kuatir kerna wari si pepagi, perban wari si pepagi lit ka kekuatirenna. Bias me tiap wari lit masalahna sendiri.”​—Matius 6:34.

Dalanilah kegeluhenndu arah wari ku wari. Ula kuatirsa kerna kai si lenga terjadi.

Adi kuatirsa kam kerna kai si lenga tentu terjadi, e erban kam reh stresna ngenca ras putus asa.

Lit sekalak penulis masmur ertoto ia man Dibata, nina, “KataNdu kap lampu man naheku, ras terang man dalanku.” (Masmur 119:105) Kai maksudna?

Sanga erdalan kita bas berngi wari, lampu banci nampati kita meteh apai dalan si arus sidalani. Pustaka pe bage, i je melala nasehat si mehuli si banci nampati kita sanga lit masalahta.

Adi terang lampu, banci siidah ndauh ku lebe. Pustaka pe banci nampati kita ngidah arapen si lit bas masa depan.