ENGKAI MAKA PENTING?

• Buku Disayang Suami Sampai Mati ngataken maka adi perbulangen ras ndehara siergan, icidahken kalak e kekelengenna “labo alu cara si luar biasa saja, tapi termasuk ka alu cara si sederhana suari ras berngi.”

• Menurut sada penelitin, anak-anak si iajari guna ngergai kalak si deban lebih percaya diri, lebih kompak ras orang tuana, janah la ia nukah kena masalah emosi ntah pe mental.

 SI BANCI LAKOKENNDU

Cakapkenlah ras keluargandu. Si pertama, arus tepat cara rukur kena kerna ngergai kalak si deban. Si peduaken, tulislah kai saja si iarapken arah tiap anggota keluarga, termasuk kai si la banci ilakoken. Si peteluken, cakapkenlah e selaku sada keluarga gelah kerina anggota keluarga tehna kai si arus lakokenna guna ngergai sada ras si debanna.

Jadi usihenlah kam. Sanga lit kesalahen anggota keluargandu, pandangindu nge ia? Sanga turikenna pendapatna, tokoh-tokohindu nge ia? Sanga ngerana ia man bandu, la nge begikenndu ia ntah potongndu rananna?

Saran: Usahakenlah ngergai teman geluhndu ras anakndu la soal uga perbahanenna man bandu.

Ergailah pendapat kalak. Adi la seri pendapatndu ras anggota keluargandu, ula katakenndu kata- kata si bagenda: “lalap kam . . . ” ntah “la kam pernah . . . ” Kata-kata si bage banci erban kalak e sedih janah masalah si kitik banci dungna galang.