ENGKAI MAKA PENTING?

• Menurut sada penelitin, kalak si negatip carana rukur kerna dirina biasana nukah kuatir, depresi, ntah la normal perpanna. Mbelin ka kemungkinenna pakena narkoba janah minem-minem ia.

• Kalak si ngergai dirina sendiri, la banding-bandingkenna ia ras kalak si deban. Hasilna, meriah akap kalak erteman ras ia janah nukah kapna ndatken teman kompak. Tapi kalak si la ngergai dirina sendiri, negatip perukurenna kerna kalak si deban. Akibatna, la meriah akap kalak erteman ras ia.

• Kalak si ngergai dirina sendiri biasana la nukah nyerah. Tetap ia erjuang guna ndatken tujunna. Tapi kalak si la ngergai dirina sendiri, masalah si kitik pe galang akapna. Emaka nukah ia nyerah.

 SI BANCI LAKOKENNDU

Pilihlah teman si mehuli. Ertemanlah kam ras kalak si nggit ngergai kalak si deban, si ermediate man bandu, ras si nampati kam jadi kalak si reh ulina.

Sampatilah kalak si deban. Adi mehuli kam man kalak janah la arapkenndu balasen, pasti meriah ukurndu. Amin pe la ergai kalak kai si ilakokenndu, pasti tetap meriah ukurndu perban enggo kam mere.

Ajarilah anakndu ngergai dirina sendiri. Salah sada carana eme mereken kesempaten man bana guna ndungi masalahna sendiri sesuai ras kengasupenna. Alu bage tehna uga cara ndungi masalah. Hasilna, meherga kapna bana mulai kitik-kitikna nari seh ngasa ia dewasa.