4 Susah nge Ate Dibata Kita?
Engkai maka Perlu Siteh
Perban jawapenna banci mpengaruhi carata ndalani geluhta.
Cuba Ukuri
Melala iciptaken Dibata bas doni enda si erban meriah ukurta. Adi bage, mungkin nge susah ateNa kita?
Lit kalak si erpengakap kiniseran e bukti maka (1) Dibata la ngasup nasapken kesusahen, (2) Dibata la ermediate man kita, ntah pe (3) Dibata e labo lit.
Tuhu nge bage?
DARAMI TERBUEN
Tontonlah video Engkai maka Kita Tek Isi Pustaka si Badia e Benar? bas jw.org.
Nina Pustaka si Badia
Labo iciptaken Dibata kita gelah kita susah.
Ate Dibata meriah min siakap ndalani geluhta.
“La lit si terulin man banta seakatan ersenang-senang janah ngenanami kesenangen kegeluhen enda asa umur geluhta. Kita kerina banci man dingen minem janah ermeriah-meriah ngenanami kerina ulih latihta. Kerina e pemere Dibata kap.”—PENGERANA 3:12, 13.
Isikapken Dibata kegeluhen si sempurna man pasangen manusia pertama.
Labo ate Dibata gelah kalak e ras keturunenna jadi susah.
“Ipasu-pasu Dibata manusia ndai, nina, ‘Ertuahlah kam jadi nterem, demi dingen taluken doni enda.’”—KEJADIN 1:28.
Pasangen manusia pertama la nggit patuh man Dibata.
Dungna kalak e ras kerina keturunenna jadi susah geluhna.
“Dosa masuk ku doni arah sekalak manusia, janah dosa e maba kematen. Akibatna, kematen nggo ngelangketi kerina manusia sebap kerina manusia nggo erdosa.”—ROMA 5:12. *
Manusia perlu itegu-tegu Dibata.
Bali bagi manusia la mungkin tading bas laut, manusia pe la mungkin nggeluh adi la itegu-tegu Dibata.
“Labo manusia si engkuasai geluhna.”—JEREMIA 10:23.
Labo ate Dibata gelah kita susah.
Ate Dibata ula min silakoken kai si erban kita susah.
“Bicara patuh kam man perentahKu, tentu maler man bandu kemalemen ate desken lau.”—JESAYA 48:18.
^ par. 17 Bas Pustaka si Badia, “dosa” labo saja maksudna perbahanen si salah tapi termasuk keadan si enggo iwarisken manusia pertama man kerina kalak.
Mungkin Menarik Ka Kapndu
SORA ERMOMO
Uga Perasan Dibata Ngidah Kam Susah?
Arah ayat-ayat Pustaka enda banci itehndu uga perasan Dibata sanga kam susah.
