Cidahkenlah Kekelengen
Masalahna
Perasan negatif man kalak si deban bali bagi virus si la banci mis bene. Arus siusahaken menekenca, janah e perlu waktu. Emaka, kai si banci silakoken?
Nina Pustaka
“Pakekenlah kekelengen, sebap kekelengen kap si mpersadaken kerina alu sempurna.”—KOLOSE 3:14.
Kai maksudna? Kalak banci ersada adi kalak e sikeleng-kelengen janah mehuli perbahanenna. Adi reh rusurna sicidahken kekelengenta man kalak si deban, banci reh kurangna perasan negatif si lit bas kita. Adi terus siusahaken engkelengi kalak, lanai segat ateta ia.
Si Banci Lakokenndu
Daramilah uga carana ngelakoken si mehuli man kalak arah kelompok si negatif perasanndu bana. Banci lakokenndu kai si menukah ngelakokenca. Contohna:
Tiap perbahanen si mehuli, amin pe biasa saja, banci erban lanai negatif perasanta
Mehulilah kam man kalak e alu mbukaken pintu man bana ntah pe sanga kam naik kendaran umum, nggitlah kam miser gelah banci ia kundul.
Ngerana-ngerana ras ia amin pe la ia beluhsa ngerana bas bahasandu.
Sabar kam man bana sanga lakokenna kai si la biasa kapndu.
Angkai perasan kalak e sanga ceritakenna masalahna.
Mungkin Menarik Ka Kapndu
PERDIATEKENLAH!
Nasehat gelah Banci Erdame ras Kalak si Deban
Sipat kai saja si banci nampati kita gelah erdame ras kalak si deban?
