Daramilah Uga kin Situhuna
Masalahna
Biasana negatif perasan kalak man kalak si deban perban rusur datna informasi si salah. Perdiateken piga-piga contohna:
-
Diberu la banci ngelakoken pendahin si mesera ras mberat.
-
Kalak si seri sukuna pasti seri ka sifat ras kebiasanna si la mehuli.
-
Kalak cacat labo pernah ermeriah ukur.
Kalak si tek man informasi si la tuhu e akapna lit buktina si ndukung perasan negatifna e. Janah ise pe si la setuju ras ia, akapna kalak si la setuju e la tehna kai pe kerna si e.
Nina Pustaka
‘La mehuli adi la erpemeteh.’—KUAN-KUANEN 19:2.
Kai maksudna? Adi la siteh uga kin situhuna janah tek kita man informasi si la tuhu, e banci erban negatif perasanta man kalak janah siban keputusen si la mehuli.
Gunana Meteh Informasi si Tuhu
Banci saja negatif perasanta man sada kelompok, tapi adi sidarami uga kin situhuna kerna kalak e, la kita mis tek kai nina kalak. Emaka adi enggo siteh kepeken labo tuhu kai nina kalak kerna sada kelompok, dungna lanai kita mis tek kai nina kalak kerna kelompok e.
Si Banci Lakokenndu
-
Adi lit kalak ngataken si la mehuli kerna sada kelompok, ingetlah maka labo bage kerina kalak bas kelompok e.
-
Ingetlah maka labo siteh kerina informasi kerna sada kelompok.
-
Daramilah informasi si tuhu arah sumber si terteki.