Engkai maka Perlu Tehndu Lit ntah Lang Pencipta?
Engkai maka perlu tehndu lit ntah lang Pencipta? Adi enggo datndu bukti si terteki maka lit Dibata Si Madakuasa, banci saja merhat kam metehsa kai buktina maka isi Pustaka e rehna arah Ia nari. Adi tek kam nandangi isi Pustaka, banci datndu gunana bagi si ituriken i teruh enda.
Reh riahna me geluhndu
NINA PUSTAKA: ‘Perbahanen Dibata mehuli. BereNa kena udan, musim rani, puaskenNa kena alu pangan, janah meriah banNa ukur kena.’—Perbahanen Rasul-Rasul 14:17.
ERTINA: Kerina si enggo datndu bas doni enda eme permere arah Pencipta. Reh bagesna me pengerganndu nandangi kerina pemere e adi tehndu maka ermediate kel Pencipta si enggo mereken si e kerina man bandu.
Datndu nasehat si banci nampati kam
NINA PUSTAKA: “Angkandu pagi kai si benar ras si adil, bage pe kerina dalan si mehuli.”—Kuan-kuanen 2:9.
ERTINA: Selaku Pencipta, teh Dibata kai si perlukenndu gelah banci meriah ukurndu. Adi bacandu Pustaka, banci datndu melala pelajaren si erguna man bandu.
Datndu jawapen arah penungkunenndu
NINA PUSTAKA: “Datndu pemeteh kerna Dibata.”—Kuan-kuanen 2:5.
ERTINA: Adi tek kam maka lit Pencipta, e banci nampati kam ndatken jawapen arah penungkunen-penungkunen si seh kel pentingna. Contohna: Kai kin tujun geluh enda? Engkai maka seh kel buena kesusahen? Kai si terjadi sanga kita mate? Banci jelas datndu jawapenna arah Pustaka.
Lit arapenndu bas masa depan
NINA PUSTAKA: “‘Kuteh kai ateKu Kulakoken man kena,’ nina Jahwe, ‘Kubereken ateKu kedamen man kena labo kesusahen. Kubereken ateKu masa depan si arapken kena.’” —Jeremia 29:11.
ERTINA: Erjanji Dibata maka bas masa depan imasapkenNa pagi kerina kejahaten, kesusahen, bage pe kematen. Adi tek kam man janji-janji Dibata, e banci nampati kam gelah ngasup ngadapi masalahndu tiap wari.
