Tuhu kin iteh ilmuwan uga tangtangna lit alam semesta enda ras kegeluhen? Situhuna lang. Lit si ngataken maka kosmologi (salah sada cabang arah astronomi) banci njelasken uga tangtangna lit alam semesta enda. Tapi, Marcelo Gleiser la setuju kerna si e. Ia sekalak profesor astronomi bas Dartmouth College ras sekalak agnostik. Bagenda nina, “Situhuna, seh asa gundari lenga banci jelasken kami uga tangtangna lit alam semesta enda.”

Majalah Science News pe bage ka nge pendapatna kerna uga tangtangna lit kegeluhen. Salah sada artikel bas majalah e ngataken, “Labo mungkin itentuken uga tangtangna lit kegeluhen bas doni enda. Buen fosil ras batu-batu si banci mbuktiken kai situhuna terjadi sanga doni enda iciptaken, enggo ndekah lanai lit.” Emaka kesimpulenna, ilmu pengetahuan lenga banci njawap penungkunen enda: Uga nge tangtangna alam semesta ras kegeluhen enda lit?

Banci saja rukur kam, ‘Adi tuhu kin kegeluhen bas doni enda iciptaken, ise si nciptakenca?’ Lit si ngataken maka kegeluhen e iciptaken Pencipta si pentar ras perkeleng. Banci saja turah penungkunenndu si deban, ‘Adi tuhu kin lit Pencipta, engkai maka pediatNa jelma susah? Engkai maka pediatNa melala kel ajaren agama si la cocok sada ras si debanna? Engkai maka pediatNa kalak si ngaku eragama ngelakoken kai si jahat?’

Ilmuwan-ilmuwan la banci njawap penungkunen-penungkunen e. Tapi e labo ertina la lit jawapenna. Situhuna, enterem kalak enggo datna jawapen si masuk akal arah Pustaka kerna penungkunen-penungkunen ndai.

Piga-piga ilmuwan si enggo erlajar Pustaka tek maka Pencipta e lit. Engkai? Adi merhat kam meteh jawapenna, bukalah situs web jw.org janah ketik “pendapat tentang asal mula kehidupan” bas kotak pencarian.