”Pengarapenku man Dibata”
”Adam si perpudi jadi kesah si mereken kegeluhen.”—1 KORINTI 15:45.
ENDE-ENDEN: 111, 12
1. Uga nge ninta adi isungkun kalak kai saja si iteki kita?
KAI nge jabapndu adi isungkun kalak kam kai saja si itekindu? Pasti nindu, kam tek man Jahwe Si Nepa si nasa lit ras si mereken kegeluhen banta. Janah banci jadi nindu kam tek man Jesus Kristus si mate guna nebus kita. Pasti iturikenndu ka kerna Pardis si terjadi pagi i doni, ingan umat Dibata nggeluh seh rasa lalap. Tapi iturikenndu ka nge maka tek kam ipekeke nge pagi kalak si mate?
2, 3. Engkai maka penting kel kekeken? (Nen gambar pemena artikel.)
2 Tek kita maka ipekeke pagi kalak mate, amin gia erpengarapen kita iselamatken bas kiniseran si mbelin ras nggeluh rasa lalap bas doni. Ituriken Paulus ngkai maka penting kel kekeken e. Nina, ”Adi tuhu kin la lit kekeken, Kristus pe labo ipekeke i bas si mate nari.” Adi Jesus la ipekeke, ia la jadi Raja bas surga, janah la lit 1 Korinti 15:12-19.) Tapi, ipekeke kap Jesus. Perban tek kita maka Jesus ipekeke, la kita seri ras kalak Saduki si la tek maka kalak mate banci nggeluh mulihi. Amin gia itokohi kalak kita, tapi tetap kita tek maka banci ipekeke Dibata kalak si mate.—Markus 12:18; Perbahanen Rasul-Rasul 4:2, 3; 17:32; 23:6-8.
ertina kita erberita. (Baca3 Ikataken Paulus, ajaren kerna ”kekeken i bas si mate nari” lit bas ”ajaren-ajaren Kristen si pemena”. (Heber 6:1, 2) Nina Paulus tek ia maka banci nge kalak mate nggeluh mulihi. (Perbahanen Rasul-Rasul 24:10, 15, 24, 25) Amin gia e ajaren dasar Pustaka si Badia, tapi perlu sipelajari alu megermet. (Heber 5:12) Engkai?
4. Penungkunen kai si banci saja isungkun kalak man banta?
4 Sanga lit kalak mulai erlajar Pustaka, biasana ibacana kejadin kerna kalak mate si ipekeke, contohna Lasarus. Ipelajarina ka kerna Abraham, Jop, ras Daniel si tek maka ipekeke me pagi kalak si mate. Emaka, banci saja isungkun kalak kam, ’Ngkai kam tek maka ipekeke pagi kalak mate, me nggo ratusen tahun nge e ijanjiken? Lit nge ikataken bas Pustaka ndigan kalak mate e ipekeke?’ Uga nge nindu njabapsa? Jabapen arah penungkunen enda, mpegegehi kinitekenta.
NUBUAT SI TERGENAP KENCA RATUSEN TAHUN
5. Kai si man bahasenta bas artikel enda?
5 Labo siakap mesera mbayangken kalak si mbaru mate ipekeke. (Johanes 11:11; Perbahanen Rasul-Rasul 20:9, 10) Tapi adi lit kalak si nggo ertahun-tahun mate ntah pe si nggo ratusen tahun, tek nge kita maka ipekeke nge pagi kalak e? Tek nge kita maka kalak si nggo ndekah mate ntah pe si mbaru denga banci ipekeke? Situhuna lit kalak si ipekeke amin pe nggo ratusen tahun e inubuatken. Ise nge e? Kai hubungenna ras kinitekenndu kerna kekeken?
6. Kai buktina nubuat bas Masmur 118 tergenap bas diri Jesus?
6 Mari sibahas kekeken si nggo inubuatken ratusen tahun si nggo lewat i bas Masmur 118, si banci saja itulis Daud. Nina, ”Kelini kami [Jahwe], kelini kami.” Ras ”Ketuahen kalak reh i bas gelar [Jahwe]”. Ikataken kalak nubuat kerna Mesias enda sanga Jesus lawes ku Jerusalem tanggal 9 Nisan, piga-piga wari sope kematenna. (Masmur 118:25, 26; Matius 21:7-9) Tapi kai hubungenna Masmur 118 e ku kekeken si terjadi ratusen tahun kenca nubuat e itulis? Perdiateken kai nina Masmur enda, ”Batu si iambekken tukang, e me jadi batu palas si la banci lang.”—Masmur 118:22.
Mesias ”iambekken tukang” (Nen paragraf 7)
7. Kai buktina itulak kalak Jahudi Jesus?
7 ”Tukang” si nulak Mesias eme peminpin-peminpin Jahudi. La iakui kalak e maka Jesus eme Kristus. Janah ipindo kalak e ka man Pilatus gelah Jesus iukum mate. (Lukas 23:18-23) Emaka, kalak e pe ikut salah i bas kematen Jesus.
Ipekeke Dibata me Jesus jadi ”batu palas” (Nen paragraf 8, 9)
8. Uga Jesus banci jadi ”batu palas”?
Masmur 118:22. (Lukas 20:9-17) Rasul Petrus pe ipakena ayat e sanga ngerana ia man ”peminpin-peminpin kalak Jahudi ras pertua-pertua bage pe guru-guru Undang-Undang i Jerusalem”. Iturikenna kerna Jesus Kristus kalak Nasaret. Si enggo ipakuken kalak e ku kayu dingen ”si enggo ipekeke Dibata”. Kenca si e nina, ”Batu si iambekken tukang enggo jadi batu palas.”—Perbahanen Rasul-Rasul 3:15; 4:5-11; 1 Petrus 2:5-7.
8 Adi Jesus itulak janah ibunuh, uga ia banci jadi ”batu palas”? Enda banci terjadi adi ia ipekeke. Ijelasken Jesus e alu erban sada perumpaman kerna si mpuna kebun si nuruh suruh-suruhenna ku si newa kebun. Ipekpeki si newa kebun me suruh-suruhen e. Dungna, isuruhna me anakna ku je, gelah ibegiken si newa e ia. Tapi ibunuh kalak e anakna ndai. Kenca ituriken Jesus perumpaman e, ikatakenna nubuat si itulis bas9. Uga nubuat bas Masmur 118:22 terjadi?
9 Masmur 118:22 eme nubuat kerna kekeken si terjadi ratusen tahun kenca nubuat e itulis. Itulak janah ibunuh me Mesias. Tapi ipekeke ia mulihi janah jadi batu palas. Kenca ipekeke, Jesus ngenca si gelarna ’itetapken Dibata si erbahanca kita terkelin’.—Perbahanen Rasul-Rasul 4:12; Epesus 1:20.
10. (a) Nubuat kai si lit bas Masmur 16:10? (b) Kai buktina maka Masmur 16:10 labo nuriken kerna Daud?
10 Mari sibahas ayat si deban si nuriken kerna kekeken. Nubuat e terjadi lebih seribu tahun kenca e ibelasken. Enda erban kita reh tekna maka kalak mate banci ipekeke amin gia nggo ndekah kel e inubuatken ntah pe ijanjiken. Bas Masmur 16, banci sibaca kata-kata Daud, nina, ”IpulahiNdu aku i bas kuasa kematen nari, kalak si ikelengiNdu la itadingkenNdu i doni kematen.” (Masmur 16:10) Labo maksud Daud i jenda ia la banci mate. Ikataken bas Pustaka maka Daud reh tuana dungna mate janah ”ikuburken ia i Kuta Daud”. (1 Raja-Raja 2:1, 10) Adi bage, ise nge maksudna i bas ayat e?
11. Ndigan ijelasken Petrus maksud Masmur 16:10?
Masmur 16:10. Piga-piga minggu kenca Jesus mate janah ipekeke, ngerana me Petrus man ribun kalak Jahudi ras kalak si nggo masuk ku agama Jahudi. (Baca Perbahanen Rasul-Rasul 2:29-32.) Isingetken Petrus kalak e kerna Daud si nggo mate janah ikuburken. La lit ituriken bas Pustaka maka lit si nimbak Petrus sanga nina ”enggo ieteh Daud kai si nandangi ibahan Dibata, e maka ernubuat ia kerna kekeken Raja si ipadanken Dibata e”.
11 Lebih seribu tahun kenca itulis Daud kata-kata e, ijelasken Petrus me ise maksudna bas12. Ndigan Masmur 16:10 tergenap, janah e mbuktiken kai kerna janji Dibata soal kekeken?
12 Iterangken Petrus ka Masmur 110:1. (Baca Perbahanen Rasul-Rasul 2:33-36.) Enda erban nterem kalak tek maka Jesus ”Tuhan dingen Raja”. Ieteh kalak me maka Masmur 16:10 e tergenap sanga Jesus ipekeke. Ipake Paulus keterangen e sanga ngerana man kalak Jahudi i kuta Antiokia i daerah Pisidi. Cocok kel akap kalak e, emaka merhat ia megi terbuen kerna si e. (Baca Perbahanen Rasul-Rasul 13:32-37, 42.) Kita pe reh tekna maka nubuat kerna kekeken si ituriken bas Pustaka pasti terjadi amin gia nggo ratusen tahun dekahna inubuatken.
NDIGAN KALAK MATE IPEKEKE?
13. Penungkunen kai si banci saja turah bas ukurta kerna kekeken?
13 Pasti meriah kel siakap perban lit kalak mate si ipekeke kenca nggo ratusen tahun inubuatken. Tapi, piga-piga kalak banci denga tersungkun-sungkun, nina, ’Adi bage, ndekah denga nge maka banci aku jumpa ras keluarga ntah pe temanku si nggo mate? Ndigan nge kalak e ipekeke?’ Ikataken Jesus man rasul-rasulna maka labo lit sada pe si banci metehsa. Kerna si e, nina Jesus, ”Bapangku metehsa; la perlu ietehndu ntah ndigan jadi.” (Perbahanen Rasul-Rasul 1:6, 7; Johanes 16:12) Tapi lit keterangen kerna ndigan kalak mate ipekeke.
14. Kai bedana Jesus ras kalak si deban si nggo ipekeke?
14 Kekeken si pentingna kel si lit bas Pustaka eme kekeken Jesus. Adi la ia ipekeke, lanai bo banci kita jumpa ras keluarga ntah pe temanta si nggo mate. Kalak si ipekeke sope Jesus, bagi si ipekeke Elia ras Elisa, la banci nggeluh rasa lalap. Kalak e pe mate ka mulihi janah jadi abu bas kuburen. Tapi Jesus, ”enggo keke i bas si mate nari jenari rasa lalap ia lanai mate, kematen lanai erkuasa nandangi ia”. I surga ia nggeluh ”rasa lalap”.—Roma 6:9; Ketangkasen 1:5, 18; Kolose 1:18; 1 Petrus 3:18.
15. Ngkai maka Jesus ikataken si perlebe ipekeke Dibata?
15 Jesus me si tangtangna ipekeke ku surga jadi makhluk roh janah kekeken Jesus e si pentingna. (Perbahanen Rasul-Rasul 26:23) Tapi, labo ia ngenca si ipekeke ku surga. Erjanji Jesus man rasul-rasulna si setia maka ras pagi kalak e merentah i surga. (Lukas 22:28-30) Tapi upah e banci ialoken kalak e kenca ia mate. Janah bali bagi Jesus, kalak e ipekeke jadi makhluk roh. Paulus pe bage nge nina. Ikatakenna maka labo Jesus ngenca si ipekeke ku surga, tapi lit ka nge si deban. Nina, ”Sekalak-sekalak pagi ipekeke Dibata rikutken gilirenna: perlebe Kristus; jenari i bas paksa kerehen Kristus e me giliren kalak sikerajangen Kristus.”—1 Korinti 15:23.
16. Ndigan nge kekeken si ku surga terjadi?
16 Arah kata-kata Paulus e sieteh ndigan kekeken si ku surga terjadi. Enda terjadi sanga kerehen Kristus. Arah Pustaka nggo ndekah ieteh Saksi-Saksi Jahwe maka ”kerehen” Kristus imulai tahun 1914. Gundari kita nggeluh bas masa ’kerehenna’ e janah kentisik nari ikernepken me doni si jahat enda.
17, 18. Kai si terjadi man kalak si ipilih ku surga sanga kerehen Kristus?
17 Kerna kalak si ipekeke ku surga, ikataken Pustaka ka, ”Ate kami maka ietehndu min kuga si tuhuna kerna kalak si enggo mate . . . Tek kita maka Jesus enggo mate janah enggo nggeluh mulihi. Bage pe tek kita maka kalak si enggo mate si tek man Jesus ibaba Dibata pagi ku Jesus gelah ersada ras Ia . . . Kita si nggeluh denga asum reh pagi Tuhan mulihken labo pagi silebei kalak si enggo mate. Lit pagi sora erlebuh, sora malekat si mbelin . . . janah nusur me Tuhan i surga nari. Kalak si enggo mate si tek man Kristus me pagin si pemenana ipegeluh mulihi. Kenca bage maka kita si nggeluh denga paksa si e ipepulungNa ras kalak ndai i datas embun guna njumpai Tuhan i awang-awang. Kenca bage tetap kita ras Tuhan.”—1 Tesalonika 4:13-17.
18 Kekeken si ku surga terjadi kenca kerehen Kristus imulai. Kalak si ipilih ku surga si nggeluh denga sanga kiniseran si mbelin ”njumpai Tuhan i awang-awang”. Kalak si ”njumpai Tuhan” ’labo pagi mate’, maksudna la ndekah ia mate. Tapi, sanga ia mate ”kerina pagi [ia] iobah. I bas sada detik, i bas singkemirep mata, asum terbegi sora terompet si perpudina”.—1 Korinti 15:51, 52; Matius 24:31.
19. Kai ”kegeluhen si terulin” ntah pe kekeken si terulin e?
19 Gundari, buen kalak Kristen labo ipilih ku surga guna merentah ras Kristus. Amin gia bage, itimaina kel ”wari [Jahwe]”, i je ikernepkenNa doni si jahat e. La lit ise pe si metehsa ndigan e terjadi, tapi arah kai si nggo terjadi sieteh maka enda lanai bo ndekah. (1 Tesalonika 5:1-3) Kekeken si iban Jahwe i bas doni si mbaru pagi, la seri ras kekeken si ibanNa mbarenda. Paksa si e, kalak si ipekeke pagi banci jadi sempurna janah nggeluh rasa lalap. Enda me ”kegeluhen si terulin”, ntah pe kekeken si terulin asangken si mbarenda, perban kalak si ipekeke mbarenda mate ka mulihi.—Heber 11:35.
20. Ja nari sieteh maka lit pagi aturen paksa ipekeke kalak mate?
1 Korinti 15:23) Emaka kalak si ipekeke i doni pe pagi, lit ka nge aturenna. Enda erbanca kita tersungkun-sungkun: Uga nge kerna kalak si mbaru mate? Ia nge si leben ipekeke i bas awal Pemerentahen Kristus si Seribu Tahun? Janah, ialo-alo keluarga ntah pe temanna nge pagi ia? Kalak si mbarenda jadi peminpin umat Dibata, mulihi ka nge ia pagi jadi peminpin bas doni si mbaru? Uga ka kerna kalak si la pernah ngelayani Jahwe? Ndigan janah i ja kalak e ipekeke? Tuhu melala kel penungkunen kerna si e. Tapi la padah siukuri kel gundari. Sitimai saja, sieteh nge kari jabapna. Pasti meriah kel siakap sanga ijabap Jahwe kerina penungkunenta e.
20 Nina Pustaka kalak si ipekeke ku surga, ”sekalak-sekalak pagi ipekeke Dibata rikutken gilirenna”. (21. Kai nge pengarapenta?
21 Emaka sope janji e terjadi, sipegegehilah kinitekenta man Jahwe. Iinget Jahwe kap kalak si mate, janah erkelangken Jesus ipekekeNa pagi kalak e. (Johanes 5:28, 29; 11:23) Bukti si deban maka ipekeke nge pagi kalak si mate eme sanga ikataken Jesus maka Abraham, Isak, ras Jakup nggeluh i bas adep-adepen Jahwe. (Lukas 20:37, 38) Alu bage, reh tekna kita kata-kata Paulus enda, ”Pengarapenku man Dibata . . . maka lit nge kekeken i bas si mate nari.”—Perbahanen Rasul-Rasul 24:15.