MENURUTNDU, TOTO ISE SI IBEGIKENNA?

• Kerina kalak

• Piga-piga kalak

• Ise pe lang

UGA NINA PUSTAKA SI BADIA

”Man si erlebuh man baNa ndeher kap Ia, si erlebuh man baNa alu tutus ate.”​—Masmur 145:18.

KAI KA SI BANCI SIPELAJARI I BAS PUSTAKA SI BADIA?

• La ibegiken Dibata toto kalak si mberontak man baNa. (Jesaya 1:15) Tapi banci ialemiNa dosa kalak si nggit robah.​—Jesaya 1:18.

• Gelah ijabap Dibata totonta, pemindonta arus sentudu ras peratenNa—1 Johanes 5:14.

LIT SI TEK maka kalak e arus lalap erjimpuh, mungkukken takalna, ntah pe ras-ras jemak tan sanga ertoto. Uga menurutndu?

UGA NINA PUSTAKA SI BADIA

Ialoken Dibata toto kalak si ”kundul”, cinder, ntah pe kalak si ”mungkuk”, bage pe si ”erjimpuh”. (1 Kronika 17:16; 2 Kronika 30:27; Esra 10:1; Perbahanen Rasul-Rasul 9:40) La ituntutNa kita gelah siatur percibalta sanga ertoto.

KAI KA SI BANCI SIPELAJARI I BAS PUSTAKA SI BADIA?

• Ibegiken Dibata toto kalak si meteruk ukur.​—Masmur 138:6.

• Banci kam ertoto i bas erbage cakap ntah pe i bas pusuh saja.​—2 Kronika 6:32, 33; Nehemia 2:1-6.