Ise kin Dibata e?
Enterem kalak ngataken maka tek ia man Dibata. Tapi adi sisungkun ise kin Dibata e, erbage-bage jawapenna. Menurut piga-piga kalak, Dibata e hakim si kejam, lalap ateNa ngukum kalak si erban salah. Si debanna erpengakap Dibata e seh kel perkelengna janah lalap nggit ngampuni, la soal kai pe ilakoken kalak. Ikataken si debanna ka Dibata e la terdeheri janah labo diateNa kita. Perban melala pendapat kerna Dibata, nterem si erpengakap labo mungkin sitandai Dibata e.
Penting nge sitandai Dibata? Ue, penting. Adi terdauhen sitandai Dibata, banci siteh tujun geluhta janah meriah siakap. (Perbahanen Rasul-Rasul 17:26-28) Adi reh deherna kam ras Dibata, reh kelengna ateNa kam janah pasti kam isampatiNa. (Jakup 4:8) Dungna, adi tuhu-tuhu itandaindu Dibata, banci kam nggeluh rasa lalap.—Johanes 17:3.
Kai si arus ilakokenndu gelah tandaindu Dibata? Cuba ukuri sekalak jelma si ndeher kel ras kam. Uga maka banci kam ndeher ras ia? Si pertama, tehndu lebe gelarna. Kenca e, tehndu uga sipat-sipatna, kai si ngena atena ras si lang, kai si pernah ilakokenna bage pe kai rencanana, ras si debanna. Dungna adi lebih tandaindu ia, reh deherna me kam ras ia.
Bage ka pe, banci sitandai Dibata alu meteh:
Bas majalah enda lit jawapen arah Pustaka kerna penungkunen-penungkunen e. Janah banci ka itehndu ise Dibata bage pe kai gunana adi ndeher kam ras Ia.
