Nina Pamela, “Sanga aku ertambar, rusur kel aku mbiar. Tapi kenca aku ertoto man Jahwe, tenang kuakap janah lanai aku mbiar. Memang mesui denga nge kuakap. Tapi toto nampati aku tetap positif. Sanga isungkun kalak uga perasanku, ningku, ‘Mesui denga nge kuakap tapi tetap nge aku semangat.’”

Memang, labo lebe lit masalah si mberat maka kita ertoto. Kerina kita pasti lit masalahta, la soal e galang ntah pe kitik. Emaka perlu kita rusur penampat guna ndungi masalahta e.

Nina Pustaka, “Endesken aru atendu man [Jahwe], gelah kam ipegegehiNa. Sabap la pernah ipediatNa, kalak bujur italuken.” (Masmur 55:23) Tuhu-tuhu ngapuli kel ayat enda. Adi bage, uga toto banci nampati kam? Sanga ertoto kam man Dibata alu cara si benar, pasti isampatiNa kam paksa lit masalahndu.​—Nen kotak “ Penampat arah Dibata.”