CARANA GELAH ULA NAI SISEGAT-SEGATEN
1 | La Mbeda-Mbedaken Kalak
Ajaren Pustaka:
“Dibata la erpilihen. Kerina kalak arah bangsa si apai pe, adi mbiar man Dibata janah ngelakoken kai si benar, pasti alokenNa.”—PERBAHANEN RASUL-RASUL 10:34, 35.
Ertina:
Dibata Jahwe * labo ngakimi kita menurut bangsata, sukuta, warna kulitta, ntah pe budayata. Tapi si pentingNa akapNa eme kai si lit bas pusuhta. Nina Pustaka si Badia, “Adi manusia, nenna kai si teridah, tapi Jahwe nenNa isi pusuh kalak.”—1 Samuel 16:7.
Si Banci Lakokenndu:
Amin pe la banci siteh isi pusuh kalak, tapi banci siusih Dibata Jahwe alu la mbeda-mbedaken kalak. Sinenlah kai si mehuli bas tiap kalak. Adi negatip perasanndu man kalak si deban, mungkin perban beda suku ntah pe bangsana ras kam, ertotolah kam man Jahwe gelah sampatiNa kam ngambekken perasan si negatip e. (Masmur 139:23, 24) Adi tutus atendu ertoto mindo penampat Jahwe gelah la beda-bedakenndu kalak, pasti begiken Jahwe totondu janah sampatiNa kam.—1 Petrus 3:12.
^ par. 6 Gelar Dibata eme Jahwe.—Masmur 83:18.
“La pernah aku bagenda tenangna kundul ras kalak si mbentar kulitna . . . Gundari, aku enggo jadi bagin perkade-kaden si lit i sebelang doni.”—TITUS
Mungkin Menarik Ka Kapndu
PERDIATEKENLAH!
Negatif nge Perasanndu man Kalak si Deban?
Kai saja tandana enggo negatif perasanta man kalak si deban?
