Adi lenga pernah, banci jadi pernah begindu ntah pe idahndu sekalak jelma si jadi korban perban enterem kalak si rate segat man bana. Adi sinen berita, melala laporen kerna kalak si ngadapi perbahanen si la adil perban beda negara, suku, ntah pe agamana. Emaka, melala pemerentah si erban undang-undang guna ngelindungi rakyatna arah perasan segat ate.

Kalak si pernah jadi korban segat ate biasana segat ka atena kalak si deban, janah banci ka ia balas dendam. E me sebapna perasan segat ate lalap la erkedungen.

Banci jadi, pernah negatip perukuren kalak kerna kam, tokoh-tokohina kam, hinana, ntah pe la adil perbahanenna man bandu. Si parahna ka, kalak si jadi korban segat ate rusur i-bully, icedai barang-barangna, isiksa, iperkosa, ibunuh, ntah pe ikernepken secara kelompok.

Bas majalah enda, ijawap kari penungkunen-penungkunen enda:

• Engkai maka melala kel kalak si rate segat man kalak si deban?

• Uga carana gelah lanai sisegat-segaten?

• Mungkin nge perasan segat ate lanai pagi lit, janah uga carana?