CARANA GELAH ULA NAI SISEGAT-SEGATEN
2 | Ula Balas Dendam
Ajaren Pustaka:
‘Ula balas kejahaten alu kejahaten man ise pe. Usahakenlah asa ngasup kena gelah dame ras kerina kalak. Ula kena balas dendam, sebap lit tertulis, “Nina Jahwe, ‘HakKu kap pembalasen. Kubalas pagi perbahanenna si jahat.’”’—ROMA 12:17-19.
Ertina:
Wajar nge merawa ateta adi lit kalak si sakitina kita. Tapi, ate Dibata ula min kita balas dendam. Ate Dibata, sabar min kita nimai Ia. Enggo erjanji Dibata maka lanai ndekah balasNa me kerina perbahanen si jahat.—Masmur 37:7, 10.
Si Banci Lakokenndu:
Adi lit kalak si sakitina kam, ula ka sakitindu ia, perban adi bage banndu, perasan segat ate e lit kari lalap. Usahakenlah tetap tenang ras nggit erdame. Mon-mon, si mehulina la padah siinget-inget kai si enggo pernah terjadi. (Kuan-kuanen 19:11) Tapi adi kam jadi korban kejahaten, banci laporkenndu masalah e man polisi ntah pe pejabat pemerentah.
Balas dendam e situhuna ngerugiken diri sendiri
Uga adi tempa-tempa masalah e la banci idungi alu dame, padahal enggo lakokenndu asa ngasupndu gelah banci erdame? Labo balas dendam jalan keluarna, sebap e banci erban situasi reh parahna. Teklah kam man cara Dibata ndungi masalah. Nina Pustaka, “Andalkenlah Ia, ertindak pagi Ia guna kam.” Adi bage banndu, perasan segat ate e banci bene.—Masmur 37:3-5.
Mungkin Menarik Ka Kapndu
PUSTAKA SI BADIA NGUBAH KEGELUHEN
Aku Erjuang Ndatken Keadilen
Rafika ikut bas kelompok si erjuang guna ndatken keadilen sosial. Tapi, dungna tehna kai janji Pustaka si Badia kerna perdamen ras keadilen bas Kerajan Dibata.
PUSTAKA SI BADIA NGUBAH KEGELUHEN
Banci kin Kekelengen Naluken Segat Ate?
Ngambekken perasan negatip man kalak si deban la menukah. Perdiatekenlah uga sekalak Jahudi ras sekalak Palestina si enggo berhasil ngelakokenca.
