Perdiateken Dibata Kam
NASEHAT si mehulina man banta lit bas Pustaka si Badia perban buku e rehna arah Dibata. Memang Pustaka si Badia labo buku kesehaten, tapi nasehatna banci nampati kita sanga lit situasi si erban kita stres. Misalna sanga lit si erban latih ukurta, sanga sedih kel siakap, sanga mekelek penakitta, bage pe sanga kita kena masalah kesehaten mental.
Si pentingna, arah Pustaka banci siteh maka Penciptata, Dibata Jahwe, a angkaiNa kel perukurenta ras perasanta lebihen asangken ise pe. Nggit kel Ia nampati kita la soal kai pe masalahta. Cuba perdiatekenndu dua ayat enda:
“Jahwe ndeher ras kalak si getem pusuhna, selamatkenNa kalak si lanai semangat.”—MASMUR 34:18.
“Aku kap Jahwe Dibatandu, si ncikep tan kananndu si ngataken man bandu, ‘Ula mbiar. Kusampati kam.’”—JESAYA 41:13.
Jahwe tuhu-tuhu ermediate man banta. Tapi, uga Ia nampati kita ngadapi masalah kesehaten mental? Jawapenna lit bas piga-piga artikel seterusna.
a Gelar Dibata eme Jahwe.—Masmur 83:18.
