2 | Ayat-Ayat si Ngapuli Kita
NINA PUSTAKA SI BADIA: “Kerina ayat-ayat si enggo itulis mbarenda itulis guna ngajari kita. Ayat-ayat e erban kita megegeh janah apulina kita, alu bage lit arapenta.”—ROMA 15:4.
Ertina
Pustaka si Badia banci mpegegehi ras ngapuli kita sanga negatip perukurenta. Arah Pustaka pe banci sidat arapen maka kentisik nari lanai bo lit si erban latih ukurta.
Gunana
Kita kerina mon-mon lit si erban latih ukurta. Tapi, adi kita kena gangguan kecemasan ntah pe depresi, banci saja lalap kita kuatir janah la erngadi-ngadi latih ukurta. Uga Pustaka banci nampati kita?
Kata-kata si lit bas Pustaka banci nampati kita nggantiken pikirenta si negatip alu pikiren si positip. (Pilipi 4:8) Adi sibaca Pustaka, banci siisi pikirenta alu kata-kata si ngapuli ras si erban tenang. Hasilna, banci kita tersampati ngendaliken perasanta.—Masmur 94:18, 19.
Pustaka banci nampati kita gelah ula siakap kita la meherga.—Lukas 12:6, 7.
Melala ayat bas Pustaka si erban kita tek maka kita labo sisada. Dibata, Si Nciptaken kita, tuhu-tuhu ngangkai perasanta.—Masmur 34:18; 1 Johanes 3:19, 20.
Pustaka erjanji maka hapusken Dibata pagi kerina kenangen si la mehuli. (Jesaya 65:17; Ketangkasen 21:4) Adi pernah kita trauma perban kejadin tertentu, janah si e ngganggu pikiren ras perasanta, janji enda banci mereken gegeh man banta gelah ngasup kita ndalani kegeluhenta.
Mungkin Menarik Ka Kapndu
PENUNGKUNEN SI IJAWAP PUSTAKA
Banci nge Kudat Kata Pergegeh arah Pustaka si Badia?
Pustaka enggo mpegegehi enterem kalak si sangana mberat situasina ras latih kel kapna rukur.
