Adi lawes atendu ku sada ingan si lenga pernah dahindu, kai nge si lakokenndu?

1. 1. Lawes saja kam ku dalan si benar akapndu.

2. 2. Ikutkenndu jelma si enterem, janah ngarap kam teh kalak e dalan si benar.

3. 3. Daramindu petunjuk si terteki, misalna GPS, peta, ntah pe teman si enggo tehna dalan si benar.

Adi sipilih nomor sada ntah pe dua, dungna banci saja kita papak. Tapi adi sipilih nomor telu, pasti banci kita seh ku tujunta.

Geluhta enda bali bagi sada perdalanen, janah tujunna eme masa depan si ermeriah ukur. Banci kita seh ku tujunta adi sidarami petunjuk si tepat sanga arus siban erbage-bage keputusen.

Melala keputusenta si banci saja la mbue pengaruhna bas kegeluhenta. Tapi lit keputusen-keputusen si seh kel pentingna janah ndekah kel pengaruhna. Arah keputusenta e, teridah si apai siakap si benar ntah pe si salah. Keputusenta banci erguna ntah pe ngerugiken kita bage pe kalak si keleng ateta. Misalna kerna:

• Seks ras perjabun

• Sipat jujur, pendahin, ras sen

• Cara mpebelin anak

• Perbahanenta man kalak si deban

Kai nge si erban kita tek maka keputusenta kerna si e banci erban kita ras keluargata ermeriah ukur?

Kerina kita perlu ngukuri penungkunen enda: Petunjuk kai nge si banci nampati aku guna nentuken kai si benar ras si salah?

Bas majalah enda ijelasken engkai maka petunjuk bas Pustaka tuhu-tuhu terteki, janah kai gunana Pustaka man banta.