Pernah nge la sahun ogendu Pustaka perban seri perasanndu ras piga-piga kalak si ituriken i datas? Enterem si erpengakap mesera kal ngoge Pustaka. Tapi uga adi ietehndu Pustaka banci erban reh riahna ukurndu? Janah uga adi lit cara gelah reh menarikna ngoge Pustaka? Nggit nge kam mereksa kai si ikataken Pustaka?

Enda piga-piga pengalamen si ndatken ulih kenca menaken ngoge Pustaka.

Ezekiel, si umurna 20 tahun ngataken, ”Mbarenda aku bagi kalak si maba motor si la lit tujunna. Tapi ngoge Pustaka nampati aku ndatken tujun nggeluh perban pedahna banci kupakeken tep-tep wari.”

Frieda, si umurna 20 tahun ka, nina, ”Mbarenda nukah kal aku merawa. Kenca kuoge Pustaka, banci kukuasai diringku. Dungna reh beluhna aku erteman janah reh teremna temanku.”

Eunice, si umurna 50 tahun ngataken, ”Enda nampati aku kal jadi kalak si mehuli.”

Bagi kalak enda ras jutan si erlajar, ngoge Pustaka nampati kam gelah reh riahna kegeluhenndu. (Jesaya 48:17,18) Misalna nampati kam (1) erban keputusen si mehuli, (2) ndatken teman situhu-tuhu, (3) ngatasi masalah, ras (4) si pentingna, erlajar kebenaren kerna Dibata. Erkiteken Pustaka rehna bas Dibata nari, pasti iteguna kam ku dalan si benar. La pernah erban kam papak.

Si pentingna eme menakenca. Jadi, uga carana gelah reh nukahna janah menarik ngogesa?