Uga carana gelah meriah janah erguna ngoge Pustaka si Badia? Lit lima cara si ilakoken nterem jelma.

Ban ingan si tenang. Pedauh si banci nganggu kam paksa ngoge. Lampu si terang ras ingan si segar banci nampati kam ndatken terbuen manfaat.

Ban perukuren si benar. Erkiteken Pustaka rehna i bas Bapanta si i surga, banci datkenndu terbuen manfaat adi nggit kam bagi anak-anak si megiken orangtuana. Adi iambekkenndu perukurenndu si salah kerna Pustaka, pasti iajari Dibata kam.​—Masmur 25:4.

Ertoto sope ngoge. Pustaka risiken perukuren Dibata, jadi perlu kita penampatNa guna ngangkaisa. Dibata erjanji mereken ”kesah si badia man si mindo man baNa”. (Lukas 11:13) Kesah si badia banci nampati kam ngantusi perukuren Dibata janah ngangkai ”biak Dibata si terbuni kal pe”.​—1 Korinti 2:10.

Usahaken ngangkaisa. Ula gelah nggo dung saja ioge. Ukurilah kai si iogendu. Sungkun bandu: ’Sifat kai saja si kupelajari arah kalak e? Uga enda banci kuusih?

Ban tujun. Guna ndatken manfaat i bas pengogenndu, ban tujunna. Contohna: ’Erlajar terbuen ateku kerna Dibata.’ ’Jadi kalak si mehuli ateku, perbulangen ntah pe ndehara si mehuli.’ Kenca e, pilih topik bas Pustaka nari si nampati kam ndatken tujunndu. *

Lima cara enda banci nampati kam menaken pengogen Pustaka. Tapi uga gelah pengogenndu reh menarikna? Artikel seterusna nuriken kerna si e.