Kai Arapen Kalak si Nggo Mate?
Kerina kalak pernah erceda ate perban mate kalak si ikelengina. Payo kin kematen e pendungi kerinana? Ilupaken nge kalak si nggo mate? Lit nge arapen kalak e?
UGA NINA PUSTAKA SI BADIA:
KALAK MATE LA ILUPAKEN
“Kerina kalak si lit i bas kuburen . . . ndarat me.”—Johanes 5:28, 29.
Kerina si lit bas ingeten Dibata pasti ipekeke pagi, la soal nggo ndekah ntah pe mbaru denga ia mate.
LIT PAGI KEKEKEN I DONI
“Lit kekeken i bas si mate nari, eme kekeken kalak si benar, bage pe kalak si la benar.”—Perbahanen Rasul-Rasul 24:15.
Enterem kel pagi si ipekeke guna nggeluh rasa lalap bas doni si seh kel damena.
KEKEKEN PASTI TERJADI
“Itentuken [Dibata] beligan bintang-bintang kerina, idiloNa kerina salu gelarna jine.”—Masmur 147:4, Padan si Ndekah, si Nipegendek (1953).
Adi gelar bintang saja pe banci idilo Dibata sada-sadai, pasti banci ingetNa kerina kalak si ipekekeNa ateNa pagi.
