I belang-belang doni, enterem kalak si kurang panganna janah la lit inganna tading. Tapi, lit ka kalak sada ngenca si iperlukenna eme meteh lit nge ntah lang kegeluhen si terulin bas wari si pepagi. Adi siusahaken nampati kalak si bage, sidat me pasu-pasu Dibata. Uga carana?

‘Nampati kalak mesera bali ras pepinjamken man Jahwe, Ia ka kari si ersimulih.’​—KUAN-KUANEN 19:17.

Iceritaken Nabi Isa kerna sekalak dilaki si irampok, ipekpeki ngayak menam mate, janah itadingken bage saja. (Lukas 10:29-37) Kenca si e, lewat sekalak dilaki janah mis isampatina. Nggit ia nampatisa padahal la itandaina janah beda ka sukuna.

Itambari dilaki si mehuli e ia janah nggit ka dilaki e mpedarat senna guna nampatisa. Alu bage, kalak si irampok ndai, lanai mesuisa iakapna.

Kai si banci sipelajari arah cerita enda? Iajari Nabi Isa maka arus kita nggit nampati kalak si merluken penampat alu cara kai pe si banci silakoken. (Kuan-kuanen 14:31) I bas Kata Dibata ikataken maka keleng kel ate Dibata kita. Emaka, kentisik nari ipasu-pasu Dibata me kita alu engkernepken kerina kiniseran ras kesusahen. Banci saja tersungkun-sungkun kita, uga carana janah ndigan e ilakoken Dibata? Bas artikel seterusna sibahas kari kerna si e.