Alokenlah Pasu-Pasu si Tahan Rasa Lalap
Erjanji Dibata man Nabi Ibrahim maka salah sada arah keturunenna mere pasu-pasu pagi man “kerina bangsa-bangsa.” (Kejadin 22:18) Ise nge keturunenna e?
Nabi Isa eme keturunen Nabi Ibrahim. Menam 2.000 tahun si lewat, ibereken Dibata kuasa man Nabi Isa guna erban mukjizat-mukjizat si luar biasa. Enda jadi bukti maka Nabi Isa me si imaksud bas janji Dibata man Nabi Ibrahim.—Galati 3:14.
Arah mukjizat-mukjizat si iban Nabi Isa, lit telu si banci sipelajari. Si pertama, e buktina maka Nabi Isa me si ipilih Dibata guna masu-masu manusia. Si peduaken, siteh uga cara Dibata nggunaken Nabi Isa masu-masu manusia seh rasa lalap bas wari si pepagi. Si peteluken banci siteh sipat-sipat Nabi Isa. Mari sibahas piga-piga sipatna si mehuli.
Lembut—Ipepalem Nabi Isa kalak si sakit.
Mbarenda, sekalak dilaki si sakit kusta mindo kel man Nabi Isa gelah ipepalem. Ijemak Nabi Isa ia janah nina, “Nggit nge aku!” Mis malem pinakitna e.—Markus 1:40-42.
Nggit mere—Ibereken Nabi Isa kalak man.
La ate Nabi Isa kalak kelihen. Lit piga-piga kali ibereken Nabi Isa ribun kalak man alu mukjizat. Ibanna piga-piga roti ras piga-piga ikan jadi melala. (Matius 14:17-21; 15:32-38) Kenca dung kerina kalak man ngayak besur, mbue denga ka sisana.
Perkuah—Ipekeke Nabi Isa kalak mate.
Pernah isampati Nabi Isa sekalak janda si anakna mbaru denga mate. Ise pe lanai lit keluargana. Perban ‘mekuah kel ate Nabi Isa,’ ipekekena anak sekalak janda e.—Lukas 7:12-15.
Mungkin Menarik Ka Kapndu
AJAREN PENTING ARAH PUSTAKA
Engkai maka Iban Dibata Doni Enda?
Mejile kel doninta enda. Jarakna ku matawari pas kel, kemiringenna pe pas, perputaren ras kecepatenna pe tepat. Engkai maka iban Dibata melala kel si mehuli i doni enda?
